Rama e zhveshi nga postet drejtuese/ Ditmir Bushati: Mungesa e ofiqit me bën…

Kreu i qeverisë, Edi Rama, njoftoi në Asamblenë e PS-së këtë pasdite zëvendësimin e Ditmir Bushatit me Valdrin Pjetritn, në drejtimin politik të Qarkut Shkodër.

Në një prononcim të shkurtër për mediat, Bushati u shpreh se nuk është e rëndësishme nëse ka apo jo një post në PS, por rëndësi kanë idealet për të cilat lufton.

“Te jeni te qetë do të ketë komunikime të mëtejshme”, iu drejtua gazetarëve pas daljen nga mbledhja e asamblesë.

I pyetur nëse është ai “mendimi ndryshe në PS”, që përmendi Rama gjatë fjalës së tij në hapjen e asamblesë, tha: “Për këtë duhet të pyesni tjerë dhe jo mua”.

“Nuk ka rendësi jam me post apo jo, por për çfarë çështjesh luftoj. Mungesa e ofiqit me bën te jem edhe me i vendosur për të çuar përpara projektet e mia”, përfundoi ai.

LEXO EDHE  Nga ish-drejtori i ALUIZNI-t te numri 2 i PS-së, zbardhen emrat e të ndaluarve në Durrës

Më herët, Ditmir Bushati u shkarkua nga Rama edhe si ministër i Punëve të Jashtme, post në të cilin vendosi Gent Cakajn.