Një qytetar, rreth 50 vjeç, është dhunuar para selisë së PD-së në Vlorë nga disa persona ende të paidentifikuar.
Ngjarja ka ndodhur në zonën e Skelës, ndërsa i dhunuari është rrahur nga disa persona, që i kanë shkaktuar plagë të rënda.
Nga raportimet mësohet se 50-vjeçari po drejtonte automjetin e tij, kur është ndaluar në zonën e Skelës dhe është dhunuar.
Policia është njoftuar nga kalimtarë të rastit për ngjarjen.
Uniformat blu kanë shkuar në zonë, por pa mundur të kapin agresorët, që janë larguar.
I dëmtuari është dërguar në spitalin rajonal për ndihmë mjekësore, ndërsa policia po punon për identifikimin dhe kapjen e autorëve.
