Pas tre seancave të shtyra dhe pas humbjes së dokumenteve të ardhura nga drejtësia italiane, ish-ministri i brendshëm Saimir Tahiri, paraqitet serish ditën e sotme në gjykatë. I shoqëruar nga avokati i tij Maksim Haxhia, Tahiri pritet të dëgjojë në këtë seancë gjyqësore, materialin e plotë të përgatitur nga Prokuroria e Krimeve të Rënda.
Një seancë më parë, ai u përballë me shtyrjen gjyqit për shkak se në dosjen e organit të akuzës, mungonin disa nga dokumentet kryesore.
Në dalje, para mediave, Tahiri deklaroi më herët se ishte i gatshëm të hiqte dorë nga këto dokumente, duke i konsideruar se ishin në favorin e tij. Madje ai e konsideroi Prokurorinë një institucion më të keq se kopshtet.
Prokuroria kishte humbur dëshmitë e Moisi Habilajt dhe Nezar Seitit.