Një ditë më parë përmes rrjeteve sociale dhe më pas nga mediat u njoftua vrasja e Festim latos, President i vetëshpallur i Republikës së Çamërisë.
Lato, me origjinë nga Vlora, prej 25 vitesh jetonte në Hollandë, ku njihej jo vetëm si veprimtar për çështjen e Çamërisë, por edhe si një biznesmen.
Ai kishte përfituar dokumentet holandeze për shkak të martesës me një shtetase turke, e cila kishte dokumente të rregullta në Holandë.
Njoftimi për vrasjen e Latos u dha nga Ali Aliu, i vetëshpëllur si kryeministër i Republikës së Çamërisë, dhe më pas u përhap nga mediat.
Zyrtarisht Policia e Shtetit tha se nuk ka asnjë njoftim nga homologët e saj në Holandë për vrasjen e Festim Latos, por familjarë të këtij të fundit që jetojnë në Vlorë thanë se janë kontaktuar nga policia holandeze, e cila i ka bërë të njohur ngjarjen e rëndë.
Por, edhe vetë policia e Holandës nuk ka dalë me një deklaratë të qartë ku të pohojë se viktima e gjetur është Festim Lato.
Mbrëmjen e djeshme, policia lokale në Holandë, hodhi dyshimin se trupi i gjetur, për të cilin u tha se ishte i Festim Latos, mund t’i përkiste një shtetasi polak.
Dhe në morinë e lajmeve mbi vdekjen e Festim Latos, mëngjesin e sotëm mediat holandeze njoftonin për gjetjen e një trupi të pajetë në kanalin e Amsterdam-Rhein pranë Nigtevechtit, 85 km larg vendit ku u tha se u gjet i vrarë, Festim Lato.
Mediat holandeze raportojnë se nuk dihet ende shkaqet e vdekjes së tij. Ai u vu re nga një kalimtar i cili vuri re diçka po lundronte në ujë. Nuk dihet nëse dy ngjarjet kanë lidhje me njëra-tjetrën.
Por lidhur me vrasjen e Latos, mediat holandeze kanë ngritur dyshime të shumta. Sipas tyre, ngjarja mund të jetë sajuar pasi Lato përshkruhej si një person që kishte miliona euro borxhe personave të tjerë.
Historiani Arben Llalla, në një reagim të tij, tha se atentati është një sajesë, pasi familjes lajmi duhej ti komunikohej nga ambasada holandeze, dhe jo nga policia.
Në mediat greke është përfolur gjatë për Festim Laton, i cili është cilësuar si një person i rrezikshëm për Greqinë, pasi ka kërcënuar shtetin Grek se do ti shpërbëjë dhe nuk ia u fal atë që Greqia i ka bërë popullsisë Çame, ku shteti grek është në gjyq të hapur me Festim Lato në Gjykatën e Hagës për Krime Kundër Njerëzimit.
Në politiken greke, Festim Lato njihet si nje kripto Hebre, i cili është i lidhur ngushtë me Zionistët.
Ndërsa politika shqiptare ka mbajtur thuajse qëndrim pasiv kundrejt Festim Latos dhe shpesh herë bllokues ku ai i ka bërë thirrje popullit që ti besojnë atij për një projekt që ai ka paraqitur për të krijuar një Shqipëri ku çdokush do ta kishte ëndërr të jetonte, duke përfshirë edhe territorin e Çamërisë.
Lajmi për vdekjen e Festim Lato është kaluar në heshtje nga politika shqiptare.
Policia e Holandës në një njoftim të saj bëri të ditur se një trup i pajetë është gjetur në kanalin e Amsterdam-Rhein pranë Nigtevechtit, në Holandë.
Mediet holandeze raportojnë se viktimat u gjet nga një kalimtar i cili vuri re diçka po lundronte në ujë.
Nuk dihet ende sesa ditë mund të qëndruar trupi i pajetë në ujë.
