Një trup i pajetë i një mashkulli u gjet në kanalin e Amsterdam-Rhein pranë Nigtevechtit. Mediat holandeze raportojnë se trupi i vdekur i përket një shqiptari dhe dyshimet janë se ai është 43 vjeç.
Ai ishte i humbur prej disa kohësh. Është e paqartë sesi trupi i pajetë i shqiptarit ka përfunduar në këtë kanal në Holandën Veriore.
Policia është njoftuar nga një kalimtar që ka parë trupin në ujë. Policia nisi një hetim dhe zbuloi se trupi është i një shtetasi të Shqipërisë.
Forcat policore po kryejnë hetime të gjera për vdekjen e dyshimtë.
Një ditë më parë u raportua edhe vrasja e Festim Latos, i vetëshpallur si President i Republikës së Çamërisë. Lajmi për vrasjen e Festim Latos u njoftua nga bashkëpunëtorë të tij, si dhe familjarë që pretendojnë se janë njoftuar nga policia holandeze.
Mbrëmjen e djeshme, policia e Holandës hodhi idenë se trupi i pajetë që dyshohej se i përkiste Latos mund të jetë një shtetas polak.
Gjithsesi shumë bashkëpunëtorë të Latos thonë se vrasja e tij mund të jetë bërë për arsye politike. Por, mediat holandeze shkruajnë se Lato është marrë me biznes në shtetin holandez dhe është zhytur në borxhe.