Tre vjet pas miratimit të Reformës në Drejtësi nga Kuvendi i Shqipërisë, në 21-22 korrik 2016, Ambasada e SHBA ka publikuar një video përmes të cilëve u shpjegon qytetarëve se çfarë është kjo reformë dhe si do të sigurojë ajo që çdokush të jetë i barabartë përpara ligjit.
“Çfarë është reforma në drejtësi? Si po zbatohet? Si do të ndikojë në jetën tënde dhe në jetët e shqiptarëve? Sot, në 3 vjetorin e miratimit të reformës në drejtësi, shihni këtë video të thjeshtë për të mësuar se si reforma në drejtësi do të sigurojë që çdokush të jetë i barabartë përpara ligjit. #CfareEshteReformaNeDrejtesi #NdalKorrupsionit”, thuhet në njoftimin e ambasadës.
Por në komentet që shoqërojnë postimin, ndjekësit e faqes zyrtare të Ambasadës së SHBA, kanë shprehur mosbesim, jo vetëm për procesin, por edhe për vettingun.
