Dy persona janë plagosur rëndë në një aksident të trefishtë të ndodhur në Shkodër.
Sipas policisë, ora shënonte 13.35, kur në aksin rrugor Shkodër-Lezhë, në fshati Beltojë, mjeti motor tip Yamaha, drejtuar nga shtetasi M.S. 31 vjeç, banues në fshatin Mabë, Lezhë, është përplasur me mjetin tip Renault, që drejtohej nga shtetasi N.Gj. 27 vjeç, banues në fshatin Berdicë.
Të njëjtat burime shtuan se, gjatë rrëzimit të motorit ka aksidentuar biçiklistin shtetasin D.Gj. 32 vjeç, banues në lagjen Skenderbeg, Shkodër i cili bashkë me drejtuesin e motorit u dërguan në Spitalin Rajonal Shkodër dhe ndodhen nën kujdesin e mjekëve.
“Po kryhen veprimet me grup hetimor për sqarimin e rrethanave të aksidentit”, thuhet në njoftimin paraprak të policisë. /BN/
