Situatë e tensionuar te Unaza e Re/ Flakë, gurë e policë në rrugë, paralajmërimi ndaj Ramës (VIDEO+ FOTO)

Situata te Unaza e Re, atje ku banorët protestojnë prej muajsh në mbrojtje të banesave të tyre, është tensionuar pasditen e sotme për shkak të prezencës së lartë të forcave policore.

Banorët e Unazës së re kanë zhvilluar protestën e rradhës, ndërsa i pranishëm ka qenë ish-deputeti Klevis Balliu, që i ka bërë thirrje policisë të mos provokojë qytetarët.

“Siç e kam paralajmëruar Edi Rama kërkon viktima dhe sot ka sjellë FNSH dhe gjithë Policinë e Shtetit për të ndaluar heronjtë e Unazës së Re që të protestojnë, siç ja lejon Kushtetuta duke provokuar dhunën dhe bërë arrestime të paligjshme tek Unaza.

LEXO EDHE  Mbërrin në Shqipëri trupi i pajetë i regjisorit Gjergj Xhuvani

Gjithçka ndodh sot është faji i Edvin Kristaq Ramës.

I bëj thirrje komunitetit ndërkombëtar që ti bëjë thirrje qeverisë të tërhiqet për të parandaluar dhunën.

Unaza momentalisht është në shtet rrethim për të provokuar dhunë”, shprehet Balliu.

Ndërkohë banorët kanë vijuar me paralajmërimet në drejtim të Kryeministrit dhe kryebashkiakut Erjon Veliaj. Ata deklaruan se do ti mbrojmë me jetë pronat tona.