Ish-deputetja e Partisë Demokratike, Albana Vokshi ka reaguar në lidhje me ngjarjen tronditëse të ndodhur në qytetin e Durrësit dy ditë më parë ku një 36-vjeçar vrau me thikë bashkëshorten e tij në sy të fëmijëve.
Në një postim në Facebook, Vokshi shkruan se gratë e fëmijët, mirëqenia e tyre, nuk janë priotitet për Edi Ramën, sepse gratë i duhen vec si numër propagande e fëmijët për foto e video për atë realitetin virtual.
Postimi i plotë:
Krimi në familje ka prekur një tjetër familje në Durrës.
Burri, vret gruan me disa goditje në gjoks. Madje edhe në sy të fëmijës 10 vjec.
Ngjarja është tronditëse jo vetëm për faktin që burri e konsideron gruan si plackë të tij, si pronë të tij, që mendon se mund t’ja marrë jetën kur të dojë, pavarësisht që atë ta jep e duhet ta marrë vec Zoti.
Por ajo që uluret më shumë, nga ajo që raportohet në media, është fakti që gruaja kishte një Urdhër Mbrojtje nga gjykata, pikërisht për ta mbajtur burrin e dhunshëm larg saj.
Ku janë institucionet që duhet ta ruanin atë??? Ku është shteti që nuk mbron dot gratë që dhunohen e vriten cdo ditë? Që nuk mbron fëmijët që përdhunohen?
PD ka ngritur shpesh herë alarmin që Mekanizmi për Mbrojtjen nga Dhuna në Familje nuk funknsionon në asnjë hallkë të zinxhirit. Është shkatërruar.
Sepse gratë e fëmijët, mirëqenia e tyre, nuk janë priotitet për Edi Ramën.
Sepse gratë i duhen vec si numër propagande e fëmijët për foto e video për atë realitetin virtual.
Sot gratë vuajnë më shumë për shkak të varfërisë së tejskajshme e nuk kanë mundësi të sigurojnë as 3 vakte bukë në ditë për fëmijët e tyre; vuajnë prej papunësisë së lartë; vuajnë mungesën e aksesit në shërbime sociale, shëndetësore dhe arsim; vuajnë mungesën e oporuniteteve e të shpresës për fëmijët e tyre që cdo ditë largohen duke hapur më shumë plagën e kurbetit.
Propaganda e përditshmë, realiteti virtual i ERTV, nuk mbulon dot dështimin e Qeverisë Rama për të mbrojtur gratë e fëmijët. Situata e dhunës në familje është alarmante. Rastet e dhunës janë pothuajse katerfishuar në 5 vitet e fundit, ndërkohë që numri i grave viktima të dhunës ka kapërcyer 100, e shumë prej tyre me urdhër mbrojtje !
Sepse mbrojtje Qeveria Rama nuk ju siguron grave viktima të dhunës por abuzuesve me pushtetin, të korruptuarve, trafikantëve…. sepse policia dhe institucionet shtetërore janë vënë në shërbim të trafikut të drogës dhe bandave kriminale e jo të qytetarëve. . . Sepse shoqatat në mbrojtje të grave janë inekzistente ose të kapura dhe organizatat ndërkombëtare showsh heshtin. Dhjetëra milionë Euro fonde nuk dihet ku perfundojnë, por e sigurt është që shumë pak ose aspak shkon në mbështetje e në mbrojtje të grave viktima të dhunës në familje.
Ndaj sot është dita që cdo grua e cdo vajzë të reagojë në mbrojtje të të drejtave të tyre, familjes dhe fëmijëve të tyre.
#ProtestoPërTëDrejtatEGrave
#ProtestoNëMbrojtjeTëFamiljes
#RefuzoShtetineKrimit
