Një incident ka ndodhur ditën e sotme në plazhin e Durrësit. Një vajzë ka humbur ndjenjat dhe është rrëzuar në tokë, pas përplasjes me murin e një ndërtese, pranë rrugës në të cilën po ecte.
Siç raporton durrëslajm, e reja është konstatuar nga punonjësit e Policisë Bashkiake të Durrësit gjatë patrullimit të tyre në plazh, pjesë e rutinës së përditshme të punës.
Vajzës iu dha menjëherë ndihma e shpejtë nga ana e tyre, të cilët më pas njoftuan ambulancën dhe Policinë e Shtetit.
Vajza ka shpëtuar pa lëndime të forta.
