Ilda Bejleri përmes Instagram ka zhvilluar një bisedë pyetje-përgjigje me fansat e saj.
Përgjithësisht komentet në rrjet ishin komplimente për moderatoren seksi, por nuk mungoi dhe pyetja lidhur me gazetarin Muç Nano.
“Çfarë mendimi ke për Muç Nanon m’qafsh se e kam me merak?”- i shkruan një ndjekës Ilda Bejlerit.
Moderatorja ka dhënë përgjigjen e saj me një fjali “Aman mos e zgjo… se e ka zënë gjumi.”
Kujtojmë se pak kohë më parë Mustafa Nano shprehej “të shtunën e shkuar, në mbrëmje unë po shihja ndeshjen Napoli-Roma, e cila përfundoi 2 me 4. Por rezultati i ndeshjes nuk ka asnjë rëndësi në arsyetimin që unë po bëj. Dhe pas ndeshjes ishte programi “Zona Gol”. Është një program që drejtohet nga një vajzë tjetër, quhet Ilda Bejleri, e cila atë mbrëmje ishte veshur në mënyrën më të gabuar të mundshme.
Unë nuk kam asnjë pamje të Ilda Bejlerit atë mbrëmje për t’jua treguar tani, sepse SuperSporti mesa duket nuk e ka bërë zakon që t’i hedhë në web, në Youtube, programet e veta televizive. Por unë po ju them se veshja e Ilda Bejlerit ishte e trishtueshme, ishte vulgare, ishte e pashijshme. Gati-gati ishte fyese. Një fustan si këmishë nate shumë i shkurtër, shumë i ngjitur pas trupit, tmerrësisht i ngjitur pas trupit. Aq sa unë po mendoja se ajo copa e fustanit ishte e futur në mish, gjinjtë që kishin kërcyer përpara në mënyrë të panatyrshme, aq sa unë po mendoja që ato gjinj ishin duke shpuar ekranin dhe do binin në shtëpinë time, në dhomën e ndenjjes”.
