Anila Denaj u emërua nga kryeministri Edi Rama si ministre e Ekonomisë dhe Financave, në vend të Arben Ahmetajt, në fillim të vitit.
Denaj ishte një nga emrat surprizë që iu prezantua fillimisht anëtarëve të Asamblesë Kombëtare të PS-së dhe më pas iu çua për dekretim Presidentit Ilir Meta.
E pa angazhuar më parë në strukturat e PS-së, Denaj u konsiderua si një risi për qeverinë, por edhe për vetë Rilindjen, ndërsa i spostuari Arben Ahmetaj, ndoshta nuk e kishte menduar në atë kohë lënien jashtë qeverisë bashkë me shumë emra të tjerë që i kishin qëndruar besnikë Ramës në mandatin e parë.
Referuar dokumentit të vetëdeklarimit, Denaj rezulton që nga viti 1995 deri në 2006, është trajnuar dhe ka punuar si eksperte në vende të Amerikës Latine, si Bolivi, Salvador apo Ekuador, për të vijuar më pas në Rumani dhe për të shkuar në Mozambik.
Para se të bëhej ministre, Denaj ka mbajtur pozicionet si drejtuese e Fondit të Sigurimit të Detyrueshëm të Kujdesit Shëndetësor.
Më herët ajo ka qenë anëtare e bordit të AKEP. Ajo ka një eksperiencë në sektorin bankar në vend, ku ka mbajtur pozicionin e zëvëndësdrejtoreshës në një bankë tregtare për periudhën 2007-2013. Në vitin 2013 deri në vitin 2015 ka mbajtur pozicion drejtues në Ministrinë e Financave.
DENONCO