Gjykata e Durrësit brenda 3 ditësh dha dy vendime krejt të kundërta për të njëjtën çështje, mandatin e Valbona Sakos si kryebashkiake.
E ndërsa në vendimin e parë procesi konsiderohej jolegjitim për shkak se në fletën e votimit ishte edhe Bindja Demokratike, subjekt i regjistruar përtej afateve ligjire, vendimi i dytë legjitimonte procesin dhe mandatin e kryebashkiakes së Rilindjes.
Të dy vendimet u dhanë nga e njëjta gjykatë, por nga dy gjyqtarë, duke krijuar një precedent të pandodhur më parë me drejtësinë shqiptare.
Lidhur me këtë ka pasur reagime të shumta. Gazetari Ylli Dylgjeri në një reagim në rrjet shkruan se ka rënë siguria juridike, ndërsa për të ilustruar atë se çfarë ndodhi ka treguar edhe një fabul.
Postimi i Ylli Dylgjerit
Kush është kujdestari i fëmijëve?
Vendimi I dyshimtë që dha sot Gjykata e Durrësit në favor të kandidates Valbona Sako, tregoi se ku po e çon Rama me të Tij- ët reformën në drejtësi në këtë vend.
Sot ra siguria juridike e një vendimi gjykate. Absurdi i sotëm mund te ilustrohet me fabulën e mëposhtëme:
Një çift të martuarish divorcohet. Çështja shkon në gjykatë. (në gjykatën e Durrësit)
Pas seancave të pajtimit, gjykatësi vendos për ndarjen e çiftit dhe ja beson kujdestarinë e fëmijëve gruas.
Mirëpo burri nuk është dakort me vendimin
dhe rihap sërisht gjygj pas 48-te orëve!
Gjykatësi i radhës, pasi dëgjon pretendimet ia jep kujdestarinë tashmë burrit.
Në fund, kemi për zbatim dy vendime. Por fëmijët mbeten në ajër, mbeten sërisht me dy kujdestar edhe pse prindërit jane ndarë!
Pyetja është : kush është kujdestar i fëmijëve pas dy vendimeve?
Ky është edhe vendimi i Gjykatës së Durrësit..
Ky Vendim do të hyjë në Ginesin e padrejtësisë.
