Një aksident me dy të plagosur ka ndodhur në aksin Korçë-Pogradec nga përplasja e një motori me një mjet bujqësor.
“Në aksin rrugor Korçë-Pogradec, në fshatin Podgorie, shtetasi A.B, duke drejtuar një mjet motor dyshohet të jetë përplasur me një mjet bujqësor me drejtues shtetasin E.M, ku për pasojë janë dëmtuar drejtuesi i motorit shtetasi A.B dhe shtetasi Xh.B, pasagjer në motor, të cilët u dërguan në Spitalin e Pogradecit, ku ndodhen nën kujdesin intensiv të mjekëve. Shtetasi E.M, është shoqëruar në ambientet e Komisariatit për kryerjen e veprimeve të mëtejshme proceduriale”, njoftoi Policia.
“Grupi hetimor po punon për përcaktimin e shkaqeve të aksidentit, si dhe zbardhjen e rrethanave të ngjarjes”, shtuan të njëjtat burime.
