Miranda Rira, kryebashkiakja në detyrë e Prrenjasit, ka kërkuar të jetë e pranishme në seancën gjyqësore ku pritet të çertifikohet mandati i Nuri Belbës, fitues nga votimet e 30 qershorit.
Rira i është drejtuar gjykatës së Elbasanit me një kërkesë përmes të cilës kërkon të jetë e pranishme si palë e tretë.
“Ky proces i paligjshëm e bën mandatin e tij automatikisht të paligjshëm dhe si i tillë nuk mund të vërtetohet nga ana e gjykatës si kryetar bashkie”, shkruan Rira.
Nuk dihet nëse kërkesa e Rirës do të merret parasysh apo jo, por deri më tani i vetmi kryebashkiak që nuk është konfirmuar nga gjykata është ai i Vorës.
