Shaban Veizi është dënuar nga drejtesia greke me burgim të përjtshëm pasi u gjet fajtor për mbajtjen e 16 kg hashash. Nga burg ii Hanias, ku është duke vuajtur dënimin, Veizi ka akuzuar drejtësinë Greke se ka bërë padrejtësi ndaj tij.
Nga qelia e burgut ka folur për televizionin FAX NEWS.
Por telefonata e tij nuk është pritur mirë nga autoritetet e burgut, të cilat kanë urdhëruar kontrollin e menjëhershëm të qelisë duke i sekuestruar celularin.
Me fjalë të ashpra e kërcënime nga gardianët është mbyllur kjo ngjarrje në burgun Hanias ku vuan dënimin Shaban Safet Veizi, dënuar me burgim të përjetëshme vetëm për 16 kg Hashash, një dënim që nuk e gjen në asnjë vend të botës.
Ai ndodhet në burg që nga viti 2004 vetëm për 16 kg bar hashash, ku deri me sot ka vuajtur dënimin e tij duke shëtitur në 17 burgje…
Në datë 18 shtator është njoftuar se duhet të paraqitet në Gjykatën e Lartë, por deri ai nuk ka një avokat mbrojtës.
Mungesa e avokatit bëri që gjyqi i 15 majit që u zhvillua në Athinë ( ku ishin të pranishëm edhe dy punonjës të ambasadës sonë me kërkesën e tij) të shtyhet për në 18 shtator.
Shabani thotë se do të paraqitet në gjyq edhe pa avokatë por përsëri do kërkojë të shtyhet seanca pasi ka të bëjë me jetën.
Nga burgu i Hanias, ai i kërkon ndihmë shtetit shqiptar që të jetë i pranishëm në seancën e gjyqit për të parë se si dënohen shqiptarët. Kjo ishte dhe kërkesa e tij, pasi kërkon drejtësi dhe vetëm drejtësi.
Këtë rast po ndjek nga afër edhe Helsinki Shqiptar, por jo shteti.