Sekretari për Çështjet Ligjore në PD, Çlirim Gjata e quajti të paligjshëm vendimin e dhënë këtë të premte nga Gjykata e Durrësit, e cila konfirmoi mandatin e Valbona Sakos si kryebashkiake e qytetit bregdetar.
Vendimi erdhi dy ditë pas atij që i cilësoi votimet e 30 qershorit në Durrës, të pavlefshme.
Vendimi është i paligjshëm se “brenda ditës hidhet shorti, merret vendimi”, tha Sekretari për Çështjet Ligjore në Partinë Demokratike.
“S’mund një gjykatë paralel ta shqyrtojë, duhet ta gjykonte të paktën Gjykata e Apelit të Durrësit. Kur kemi dy vendime të njëjta nga dy gjykata të ndryshme prevalon vendimi i parë, juridikisht. Në kushte diktuare ky vendim është në rregull, juridikisht është në të gjitha, sipas ligjit për qeverisjen vendore, sipas Kodit të Procedurës Civile, sipas Kodit Zgjedhor, antiligjor, antikushtetues dhe sa i takon pasojave ka vlerë vendimi i parë jo i dytë. Po pse bëjnë kështu? Për të treguar dhunën politike, që ‘ne s’pyesim, s’duam t’ia dimë për shtet”, tha Gjata në një emision televiziv.
/BN/
