Qeveria drejt shpërbërjes/ Zv.kryeminsitri paralajmëron shpërndarjen e parlamentit pas verës

Zgjedhja në krye të Komisionit Europian të Ursula von der Leyen, duket se do të çojë në shpërbërjen e parlamentit të Italisë.

Roma kishte shpresuar që të merrete një post të lartë në Bashkimin Europian, por kjo gjë nuk ka ndodhur, dhe ka çuar në përplasjen mes koalicionit qeverisës.

Partia Lega Nord e Matteo Salvinit dhe Lëvizja pesë Yjet e Luigi di Maio priteshin të mbështesin Von der Leyen në votimin e Parlamentit Evropian. Megjithatë, Lega Nord votoi kundër.

Në lidhje me këtë, zëvendëskryeministri dhe Ministri i Brendshëm, udhëheqësi i populistëve të Lega Nord, Matteo Salvini në një intervistë për “Corriere della Sera” ka lënë të nënkuptohet se kuvendi mund të shpërndahet pas zgjedhjeve.

LEXO EDHE  Presidenti Trump pohon se anuloi vizitën në Danimarkë pas komenteve të kryeministres së vendit

“Italia ende ka kohë për të shpërndarë parlamentin dhe për të mbajtur zgjedhje të parakohshme pas pushimeve verore”, tha Salvini .

Të dy partitë në koalicionin qeverisës, kanë thënë se e kanë në dorë partnerët e koalicionit nëse duan që qeveria të qëndrojë ende në pushtet, apo të shkohet në zgjedhje të parakohshme.