Një polic në Prishtinë duket se e ka marrë me shumë seriozitet punën e tij, kur i ka vendosur një vajze 100 euro gjobë për arsyen se ajo kishte qeshur me zë shumë të lartë.
Aida Gashi përmes një shkrimi në Facebook, ka treguar se pas orës 24:00 po priste një taksi dhe po bisedonte me shoqe duke qeshur, kur një zyrtar policor e kishte dënuar me 100 euro gjobë.
“Çka po kesh me zë?”, ishin fjalët e e zyrtarit policor. E habitur me pyetjen e policit, Aida i është drejtuar atij: A seriozisht po më pyet? Fatmiri: Je tu kesh shumë, mos kesh! Aida: Me çka po e mat që po keshi shumë?
Fatmiri: Me veshtë e mi!”, ka treguar Aida.
E Aida, për gjithë këtë situatë edhe ka ironizuar me vendimin e policit në fjalë.
“Dënim me 100 euro gjobë, se po qeshesh me za! Dhunohet dhe vritet një fëmijë 12-vjeçar, policia e neglizhon rastin! Unë dënohem me 100 euro gjobë pse qesha me za!”, ka shkruar ajo.Tutje, ajo ka vazhduar se “1 person pa leje, me shpejtësi dyfish ma shumë se që është e lejume, i shkel 2 gra për vdekje; policia neglizhente sepse duhet me më denu mu të pacipën që po qeshi me za mas 12ve te natës! Tjetri e dhunon një të mitur, tjetri e mbyt gruan me femijë, krejt këto pasojë e neglizhencës së policisë sepse ma së lehti e ka me dalë në qytet e me më denu mu me 100 euro gjobë se qesha me za!”, ka shkruar ajo.