Për ngjarjen e rëndë që ndodhi në Durrës ku një vajzë 7 -vjeçe, e klasës së parë, është përdhunuar nga disa persona ka reaguar edhe Altin Hazizaj.
Ai thekson se duhet të prononcohet urgjentisht ministria e Arsimit dhe sipas tij nëse është i vërtetë lajmi gjithë DAR duhet të japë me vrap dorëheqjen.
Reagimi:
Ministrja e Arsimit duhet te prononcohet urgjentisht per kete rast! Dhune seksuale brenda ne shkolle? Nese eshte e vertete i gjithe DAR Durres duhet te jap doreheqjen me vrap!
Prinder qe keni djem, mesojini femijet djem qe heret sesi te respektojne trupin e tyre dhe ate te te tjereve. Mesojini edhe se çfare eshte marredhenia e dashurise dhe ajo seksuale e shendeteshme, me deshire dhe ne moshen e duhur. Po i late keto diskutime per ne adoleshence mund te jete teper vone!
Një vajzë 7-vjeçe është përdhunuar në ambientet e një shkolle në Durrës. Vajza është lidhur dhe më pas është përdhunuar nga disa persona në tarracën e shkollës. Për këtë ngjarje të rëndë është arrestuar deri më tani një ri. Policia mbajti të fshehtë për dy javë ngjarjen.
