Aksidenti tragjik i ndodhur në vitin 2014 në fshatin Panarit ku humbi jetën gazetarja Enkelejda Skënderasi ka përfunduar edhe në gjykatë. Pikërisht 5 vite pas kësaj ngjarjeje, Gjykata e Faktit në Korçë ka dhënë vendimin për drejtuesin e mjetit në të cilin udhëtonte gazetarja Skënderasi.
Burime nga kjo gjykatë thanë se shtetasi me inicialet D.H që drejtonte mjetin është dënuar të paguajë një dëmshpërblim të majmë financiar për familjen e gazetares, prej 10 milionë lekësh të rinj.
Nuk saktësohet nëse ky vendim ka lidhje vetëm me dëmshpërblimin financiar që ka kërkuar familja apo është konvertuar në vlerë monetare për të shmangur dënimin me burg të drejtuesit të mjetit.
Enkelejda Skënderasi humbi jetën gjatë një shërbimi pune për 100 vjetorin e masakrës të Panaritit, ndërsa udhëtonte në mjetin e drejtuar nga shtetasi D.H
