Rilindja vijon sulmet dhe akuzat ndaj Presidentit Ilir Meta. Nga salla e Kuvendit, kreu i Grupit Parlamentar të PS-së, Taulant Balla, tha se Meta ka veshë vetëm për të dëgjuar hallet e Lulzim Bashës, Monika Kryemadhit dhe Sali Berishës, dhe jo ato çfarë kërkojnë shqiptarët.
Akuzat iu drejtuan Presidentit, ndërsa Balla po fliste me ndryshimet në Kodin Penal, që ashpërsojnë dënimet ndaj dhunuesve të institucioneve, bluzave të bardha, policisë, apo zyrtarëve të ndryshëm.
“Si një nga bashkëkryetari i opozitës me seli në Presidencë, nuk kam fare dyshim që Meta nuk ka sy dhe vesh për të dëgjuar se çfarë duan shqiptarët por ka sy e veshë vetëm për Lulzim Bashën, Monikën dhe Berishën, dëgjon vetëm hallin e tyre.
Por ne këto projekt ligje do t’i votojmë sërish. Aq më tepër kur dhunohen policisë apo mjekë. Dënohen deri në 3 vite heqje lirie, dënimi për goditje për shkak të detyrës, shkon dënimi deri në 5 vite për zyrtarët e lartë.
Le të guxojnë të godasin një punonjës policie dhe do të shikoni masat. Kemi parë shumë alabakë që më parë kanë qenë deputetë zgërdhiheshin para policëve”, u shpreh Balla.
