Ish-deputeti i LSI-së, Petrit Vasili ka denoncuar nëpërmjet një shënimi në profilin e tij në facebook, tendencën e pushtetit absolut që ka kapur maxhorancën e cila jo vetëm që ka kapur Reformën në Drejtësi, por edhe ftesat protokollare ku të vetmit që kanë të drejtën të flasin janë ata.
Ai ka postuar edhe ftesën e fundit të Kuvendit, ku në radhë për të folur janë Gramoz Ruçi, Ulsi Manja dhe Fatmir Xhafaj, ndërsa minimalisht nuk ka asnjë nga ajo që quhet opozita e re në Kuvend.
Ja postimi i Vasilit:
Kapen drejtësine me ç’tu dilte përpara tani kapin edhe fjalën!?
Kuvendi organizon aktivitet për Reformën në Drejtësi të miratuar tre vjet më parë.
Do të flasë vetëm Gramoz Ruçi, Fatmir Xhafa dhe Ulsi Manja nga politika. Sa mirë….
Reforma u miratua me 140 vota, por vetëm këta do flasin.
Komisioni i Reformës në Drejtesi në vitin 2016 kishte 10 anëtarë dhe disa zëvendësuesa, por prap se prap vetëm këta do flasin.
Kane të drejtë vetëm këta që të flasin, se të tjerët as nuk dinë të flasin dhe as nuk dinë shqip. Vetëm këta edhe dinë edhe të flasin edhe dinë shqip.
Edhe 7 ligjet bazë të reformes u miratuan me tre të pestat e votave,qe këta nuk i kishin vetëm, por vetëm këta do flasin se vetëm këta dinë të flasin.
Çfarë turpi!
Po si pranojnë të përdhosen në këtë farë feje.
Sa meskinë, sa të vegjël, sa mendje shkurtër dhe me verbëri provinciale janë.
Le ta gëzojnë moçalin ku kuasin veç bretkocat.
Shiheni vetë ftesën se këta mohimin nuk e kane për turp fare.
