Një çift ishte duke konsumuar një raport intim në parmakun e një dritareje, por të dy u rrezuan nga kati i nëntë i banesës. Gruaja ndërroi jetë në vend, ndërsa burri mbijetoi.
Ndodhia gati sureale ndodhi në Shën Petersburg të Rusisë, më 5 korrik dhe rreth saj hodhën dritë disa gazeta lokale. Ngjarja u përcoll më pas edhe nga disa tabloidë britanikë.
Sipas gazetave, duke cituar disa dëshmitarë okularë, një festë po zhvillohej në një nga banesat e një godinë të vendosur në periferi të Shën Petersburg, kur papritur një televizor u shemb në tokë pas rënies nga kati i nëntë.
Pak çaste me vonë, një burrë dhe një grua ranë nga e njëjta dritare.
Gruaja 30-vjeçare humbi jetën në vend, ndërsa 29-vjeçari, në sajë të disa shkurreve, të cilat zbutën rënien, arriti të mbijetojë. Jo vetëm kaq, por sipas dëshmitarëve, sikur të mos kishte ndodhur asgjë, ai iu rikthye sërish festës në katin e nëntë të godinës.
Pasi mbërriti në vendngjarje, policia hyri në shtëpinë ku ishte duke u mbajtur festa dhe e gjeti burrin e rrëzuar më parë nga dritarja, në shoqërinë e dy djemve të tjerë, të cilët pinin dhe dëgjonin muzikë në sikur asgjë të mos kishte ndodhur kjo ngjarje.
Hetuesit, të cilët hapën një hetim për vrasje, pastaj rindërtuan ngjarjen, duke dalë në konkluzion se kemi të bëjmë me një ndodhi aksidentale.
(Ndërtesa nga e cila u rrëzua çifti)
