Një bombol gazi ka shpërthyer në një banesë në fshatin Drashovicë të Vlorës.
Nuk ka persona të lënduar, por vetëm dëme materiale.
“Rreth orës 19:27, në fshatin Drashovicë, për shkaqe aksidentale ka shpërthyer një bombol gazi në banesën e shtetasit R.H. Si pasojë e shpërthimit nuk ka dëme në njerëz. Ndërsa banesa ka pësuar dëme të konsiderueshme materiale. Grupi hetimorë dhe shërbimi zjarrfikës ndodhen në vendin e ngjarjes. Vijojnë veprimet e mëtejshme proçeduriale”, njoftoi Policia.
Më herët gjatë ditës së sotme, një ngjarje e ngjashme ndodhi në Tiranë, ku një bombol gazi shpërtheu në rrugën “Ferit Xhajko’ duke shkaktuar dëme materiale.
Po në kryeqytet, dy ditë më parë, shpërthimi i dy bombolave me hidrogjen në zonën e “ish-Bllokut” në kryeqytet, sollën plagosjen e katër personave. /BN/
