Forca të shumta policore kanë mësyrë sot guroret në malin e Tomorrit për të ndaluar veprimtarinë e bizneseve. Një punonjës i guroreve dhe banor i zonës ka shprehur shqetësimin e tij për sekuestrimin nga policia të mjeteve të rënda, me të cilat ata punojnë.
Ish-Kryeministri Sali Berisha ka publikuar denoncimin e punëtorit, ilustruar me fotografi dhe është shprehur se ky operacion policor ka motive të qarta, çnjerëzore dhe politike.
“Qindra narkoforca të narkopolicisë në malin e Tomorrit, duke iu prerë kafshatën qindra e qindra familjeve në Skrapar, me motive të qarta çnjerëzore dhe politike! Lexoni mesazhin dhe shikoni fotot e qytetarit dixhital”, shkruan Berisha.
Mesazhi i punëtorit:
“Përshëndetje Doktor. Po të shkruaj nga mali i Tomorrit. 200 forca Policie po marrin ekskavatorët. Të lutem na ndihmo. Po i marrin me dhunë, Klosi, Tiku Zotka dhe Drejtori i Policisë Hasan Ahmetaj.”
