Në një intervistë për Zërin e Amerikës, avokati i çështjeve të imigracionit dhe kandidati republikan për guvernator dhe Sekretar të Shtetit në Konektikat, shqiptaro-amerikani Peter Lumaj u shpreh se krizat e njëpasnjëshme vijnë për faktin se partitë më të mëdha politike kanë mënduar së pari për interesat e tyre dhe jo për vendin.
Strategu i Republikanëve të Trump u shpreh më tej se ky është momenti i duhur kur kreu demokrat, Lulzim Basha mund të tregojë veten që është udhëheqës. Ai nënkuptoi se zgjidhen e sheh tek Lidershipi politik i Bashës dhe tek shembulli i tij për të promovuar figura të pastra, profesionistë dhe ne kontribute solide në fushat e tyre
PD është ajo që e nxori Shqipërinë nga komunizmi dhe kur Basha ishte ministër i jashtëm PD hyri në NATO. Përveç kësaj Basha tregoi që kishte një prirje që të bashkëpunonte me Diasporën kur ai ishte në gjendje të emëronte Dritan Demirajn nga Diaspora, të bëhej ministër i Brendshëm, një ushtarak i fuqishëm, i pastër, i dedikuar për Shqipërinë , tha Lumaj, për Zërin e Amerikës.
Sipas z. Lumaj, ky është momenti i Bashës që ai mund të tregojë që mund të punojë me SHBA-të, Diasporën. Ai mund të bëjë që Shqipëria ta përmbyllë një herë e mirë tranzicionin politik që zgjati 30 vite. Kjo është shqetësuese për Shqipërinë, SHBA dhe ne.
Përmendja e z. Demiraj nga ana e Strategut të Partisë Republikane të presidentin Trump dëshmon për interesin që kanë zyrtarët në SHBA për figurat me kontribute kombëtare dhe ndërkombëtare, duke ditur angazhimin e kolonel Demiraj në disa teatro lufte përkrah ushtarëve dhe gjeneralëve amerikanë.
