Perditesuar/ Asambleja e PS do të mblidhet më 22 Korrik. Data doli nga mbledhja e sotme e kryesisë së PS.
***
Kryeministri Edi Rama ka mbledhur paraditen e sotme Kryesinë e Partisë Socialiste.
Burime nga PS thanë se mbledhja ka në qendër të diskutimeve analizën për atë që ndodhi në 30 Qershor, por edhe përgatitjet për Asamblenë që pritet që të zhvillohet në fund të korrikut.
Pas 30 Qershorit, Rama deklaroi se pas takimeve dhe analizës në cdo qark do të mbahet edhe asambleja brenda korrikut, teksa data e mbledhjes pritet që të përcaktohet sot.
Mbledhja e Kryesië po zhvillohet prej orës 10:00 në selinë e PS-së.
Teksa PS e konsideron 30 qershorin një datë të ligjshme që nxori kryebashkiakët e rinj, nga opozita votimet janë quajtur nul. Edhe Presidenti Ilir Meta ka deklaruar se votimet e 30 qershorin ishin të paligjshme dhe data e dekretuar prej tij për zhvillimin e zgjedhjeve lokale është 13 tetori. Datë kur ka bërë thirrje edhe për zhvillimin e zgjedhjeve të parakohshme parlamentare dhe ato presidenciale. /BN/
