Portali meteorologjik italian “3Bmeteo” njoftoi mbrëmë se do të ketë reshje të shiut dhe vendi do të përfshihet nga një stuhi e rëndë. Por më interesant në atë parashikim ishte se ajri shumë i ftohtë do të sillte borë të pazakontë në këtë sezon në mes të korrikut.
Sot rreth 30 centimetra borë ka rënë në Alpe. Videot dhe fotografitë janë publikuar nga “Severe weather Europe” në faqen e Facebook. Përveç kësaj, borë kishte gjithashtu në pjesën veriperëndimore të Italisë, në lartësinë 2 mijë e 702 metra mbi nivelin e detit. Borë ra edhe në Francë, në juglindje të vendit, në një lartësi prej 2 mijë e 600 metrash.
