Barometri Ballkanik i Korrupsionit i9 dha një tjetër goditje të rëndë kryeministrit Edi Rama dhe qeverisë së Rilindjes, sa i përket nivelit të lartë të korrupsionit në Shqipëri.
Në postimin e tij ish-kryeministri Sali Berisha, shkruan se Shqipëria ka vënë rekord të zi sa i përket korrupsionit, duke qenë 500 % më i lartë se në çdo vend tjetër të rajonit.
Ja postimi i Berishës:
Shqiperia delja e zeze e korrupsionit ne Ballkan dhe Europe!
500% me i larte se ne vendet e tjera te rajonit eshte ryshfeti, gjoba qe paguajne shqiptaret per kujdesin mjeksor!
Barometri Balkanik i Korrupsionit konstaton nivele stratosferike te korrupsionit ne sistemin e shendetesise ne Shqiperi. Sipas te dhenave te studimit te Barometrit :
Ryshfet paguan 50% e shqiptareve qe paten nevoje per sherbim shendetesor ne spitale apo ambulanca.
Kjo shifer eshte 5 here apo 500% me e larte se sa ne te gjitha vendet e tjera te rajonit. Sipas Barometrit ne vendet e tjera te rajonit si Serbia, Maqedonia, Bosnja Hercegovina paguan ryshfet per te marre sherbimin shendetesor 10 % e qytetareve qe kishin nevoje per kete sherbim.
Perveç ketyre sipas Barometrit Ballkanik ka gjetur se shqiptaret paguajne 200 gjer 650% me shume se sa ne vendet e tjera te rajonit. Keshtu në një kohë që në vendet e rajonit kjo shifër varion nga 2 deri në 6 për qind,ne Shqiperi kjo shifer eshte 13 % pra 200 gjer ne 650% me e larte se ne vendet e tjera.
Vrojtimi i barometrit të Ballkanit tregon se Shqipëria është vendi më nivelin më të lartë të korrupsionit, thuajse në të gjitha fushat dhe institucioneve publike, përfshirë ato që janë në varësi direkte të qeverisë. sb
