VIDEO-FOTO/ Moti i keq përmbyt Greqinë, pamjet apokaliptike

Rrëshqitje dherash, rrugë të pakalueshme, banesa e automjete të përmbytura… Këto janë pamjet dramatike që vijnë nga Greqia fqinje, një ditë pas shirave të rrëmbyeshëm që përfshinë vendin.

Probleme të shumta janë raportuar në zonat ​​Nafpaktia dhe Antirrio, pranë Patras.

Dëmtime të shumta edhe në rrugën nacionale Antirrio – Nafpaktos, me ujërat në zonat përreth që kanë arritur në një metër lartësi.

Mbrëmjen e djeshme, rreth 1.000 persona u bllokuan në një ndërtesë si pasojë e motit të keq. Ata kishin zgjedhur të shkonin në një klub nate në Drepano Achaia për të dëgjuar një këngëtare live.

LEXO EDHE  Tragjike/ Po luante me motrën tek shkallët elektrike, humb jetën 3-vjeçari

Për shkak të motit të keq dhe stuhive që goditën zonën për rreth 3 orë, bënë që lumi pranë klubi të dilte nga shtrati dhe rreth 1000 vetë që ishin brenda ndërtesës nuk mund të dilnin prej saj për orë të tëra.

Menjëherë në dhënien e ndihmës u vunë shërbimet e zjarrfikëses dhe policia.

Mediat greke raportojnë se makinat që ishin parkuar në parkimin pranë klubit, u zhvendosën në autostradën Korint – Patras. Gjatë kohës që ishin të izoluar nga uji rrjetet sociale u ‘pushtuan’ me statuse që të personave të bllokuar.

/BN/