Presidenti i Republikës, Ilir Meta, ka marrë ditën e sotme çmimin ndërkombëtar të Venecias ‘Luani i Artë’.
Por menjëherë pas marrjes së këtij çmimi presidenti është sulmuar sërish nga kryeministri Rama, i cili këtë herë nuk ka dalë personalisht në skenë, por ka përdorur mikun e tij avokat Spartak Ngjelën.
Me anë të një postimi të gjatë në rrjet, Ngjela shkruan se një çmim i tillë i është dhënë vjet Presidentit të Serbisë, Aleksandër Vuçiç.
Ndërsa shton se nuk ak rëndësi se sa çmime merr meta, pasi drejtësia e re nuk pyet për asnjë çmim.
Ja psotimi i Ngjelës:
Meta na paska marrë një çmim fantazëm. Vjet e ka marrë këtë çmim Aleksandër Vuçiç. E kuptoni ku jemi?
Ky çmim që ka marrë emrin e Luanit të Artë të Venedikut, i cili jepet për filmin më të mirë, është regjistruar në vitin 2017 me të njëjtin emër, por si Luani i Artë për Paqe. Sigurisht që nuk ka lidhje me çmimin e filmit të cilit i ka përvetësuar emrin. Ky çmim që ka marrë Meta drejtohet nga Fondacioni Italian Foedeus që kryesohet nga Mario Baçini: pjesë e tij është edhe miku i vjetër i Sali Berishës Franco Fratini.
Nuk ka të dhëna nëse është ndarë në vitin 2017 ky çmim, por në vitin 2018 ky çmim i është ndarë Aleksandar Vuçiçit, por, në emër të tij, më 1 dhjetor 2018 e ka tërhequr ambasadori i Serbisë në Romë Goran Aleksiç. Fituesi i dytë i çmimit është Ilir Meta.
Po ku mund të pyesë drejtësia e re nga çmimet fantazmë! Meta do të shkojë drejt gjykimit për shkelje të kushtetutës, është mirë ta marrë me vete edhe medaljen e çmimit, se mund të ketë lehtësira.
