Bota e futbollit është zgjuar me një lajm shumë të keq. Trajneri i Bolonjes, serbi Sinisha Mihajloviç do të ndalet për arsyet shëndetsore.
Me këtë lajm hapet gazeta italiane “Corriere Dello Sport”, e cila bën me dije se mesditën e sotme trajneri dhe Bolonja do të dalin në një konferencë ku do të shpjegojnë gjithçka.
Mihajloviç nuk do të jetë në gjendje të trajnojë për një kohë relativisht të gjatë. Alarmi erdhi ditën e enjte, kur trajneri nuk udhëtoi me skuadrën, pasi kishte ethe. Më pas ai duhet të tërhiqej brenda 24 orëve dhe më pas iu nënshtrua analizave. Ai u shtrua në spital dhe do të viojë me një terapi.
Lloji i sëmundjes nuk bëhet ende me dije dhe pritet që Sinisha Mihajloviç të dalë dhe të shpjegojë vetë atë që po e detyron të lërë momentalisht trajningun.
