Një ngjarje e rëndë është shënuar në Mirditë ku një person dhunonte bashkëshorten e tij dhe e kërcënonte se do ta vriste.
Duke mos përballuar më dhunën e ushtruar nga bashkëshorti, i cili e bënte edhe në sy të fëmijëve ajo ka lajmëruar policinë, të cilët e kanë arrestuar në flagrancë.
Gjatë kontrollit në banesë atij i është gjetur edhe një armë zjarri e tipit kallash.
Mirditë
Ushtronte dhunë fizike dhe psikologjie ndaj bashkëshortes dhe e kërcënonte se do ta vriste por arrestohet në flagrancë nga Policia
Sekuestrohet një armë zjarri dhe municion luftarak
Specialistët e Hetimit të Krimit në Komisariatin e Policisë Mirditë arrestuan në flagrancë shtetasin:
A.Sh.,46 vjeç, banues në Mirditë.
Ky shtetas në banesë në mënyrë sistematike ushtronte dhunë fizike dhe psikologjike ndaj bashkëshortes së tij në prani dhe të fëmijëve, e cila mbëmjen e djeshme ka njoftuar Policinë.
Shërbimet e Policisë kanë shkuar menjëherë në banesën e shtetasit A.SH, ku gjatë kontrollit gjetën dhe sekuestruan një armë zjarri kallashnikov dhe një sasi fishekësh luftarak
Materialet i kaluan Prokurorisë së Rrethit Gjyqësor Lezhë në ngarkim të shtetasit të lartpërmendur për veprat penale “Dhunë në familje” dhe “Prodhim dhe mbajtja pa leje e armëve luftarake dhe e municionit”.
