Në ceremoninë për përfundimin e presidencën 6 mujore në Këshillin e BE-së, Ambasadori i Rumanisë në Shqipërisë, Mircea Perpelea, tha se vendi i tij ka mbështetur dhe mbështet Shqipërinë në sfidat e saj drejt BE-së.
Perpelea: Gjatë kësaj presidence të Këshillit Europian, Rumania ka kontribuar shumë për të vazhduar më tej me axhendën europiane kështu që sot dua t’ju siguroj se me BE jemi partner në dialog. Në presidencën tonë shumë rezultate të mira u arritën dhe jemi munduar të kemi një lloj neutraliteti me të gjitha vendet. Ishim të aftë gjatë këtij mandati të parë për të menaxhuar çdo sfidë në Ballkanin Perëndimor përfshirë Shqipërinë. Patëm një rol pozitiv sa i takon Turqisë në vazhdimin e dialogut dhe presidencës europiane dhe shumë sfida të tjera. Sa i përket Shqipërisë, Rumania e mbështet Shqipërinë në sfidat drejt BE dhe gjatë mandatit tonë Rumania ka marrë disa hapa konkretë për të përcjellë mesazhet tona pozitive për përgatitjen e Shqipërisë për hapjen e negociatave me BE, duke filluar që nga publikimi i rekomandimit të KE në maj 2019.
Në përfundim të ceremonisë, Ambasadori shpërndau disa dhurata për bashkëpunëtorët, mes tyre ambasadorin e BE-së Soreca dhe Guvernatorin Gent Sejko.
Rumania e mori presidencën e Këshillit të Bashkimit Europian në janar të këtij viti.
Më 1 korrik Presidencën e radhës të Këshillit të Bashkimit Evropian e mori Finlanda, të cilën do e mbajë deri më 1 dhjetor.