Nga Boldnews.al
Prej ditësh po qarkullon lajmi se pjepri i prodhuar në vend është disafish mbi normat e lejuara të nitrateve kancerogjene. Mjafton një matës i thjesht për të kuptuar se në vend të ushqimit po hamë produkte me pesticide dhe herbicide, jo vetëm mbi normat e lejuara, por edhe me fort rrezik që pas disa kohësh të përfundojmë me sëmundje të rënda.
Ky lajm u kundërshtua nga AKU (Agjencia Kombëtare e Ushqimit), e cila thotë se nuk ka asnjë të vërtetë dhe pas këtyre informacioneve, fshihen interesa të dyshimta, ndoshta edhe antipjepër…
Të interesuar rusët, sllavët, apo edhe imperialistët amërikanë? Ky gjykim absurd, lihet të kuptohet, që përveç shitjes së aparateve matës të nivelit të pesticideve, sipas AKUS-së mund të jenë kompani kundër produkteve bujqësore shqiptare, veçanërisht pjeprit të Divjakës.
Një marrinë e institucioneve tona shtëtërore që më shumë se të duatrokasin “verb-diarenë” e kryeministrit, kur deklaron se do i presë burgu kush abuzon me produktet ushqimore, duhet të dalin në terren dhe shohin si po ushqehen shqiptarët.
Produktet bujqësore, veçanrisht ata që dalin më herët në treg, pranohet gjerësisht se përdoren stimulantë të rrezikshëm për rritjen e shpejtë të tyre. Padyshim që këto stimulantë nuk prodhohen nga laboratorët tanë brenda vendit, por importohen nga jasht. Kalojnën nën hundën e doganierëve që më një shuk para në duar mbyllin sy e veshë, ku edhe ai doganier në rrëzë të veshit do e këtë, pasi me ato para korrupsioni, do shkojë të blejë “vdekjen në treg”…
Ai doganier, ai specialist bujqësie, tjetri shef në AKU dhe kudo që paguhen me taksat tona na e mbushin tregun me produkte bujqësore apo blegtorale jo vetëm pa cilësi, por edhe me rrezik për shëndetin.
Çfarë mund të pritet kur edhe Ministri i Bujqësisë Blendi Çuçi, deklaron se vaji i palmës që po mbyt produktet tona në bulmet nuk është i rrezikshëm. “Përdorimi i vajit të palmës nuk është i paligjshëm. Mund të bësh analizën e bulmetit dhe nëse të del me 30% me vaj palme dhe kur nuk është shënuar, atëherë këtu kemi të bëjmë me shkelje. Atëherë do më kritikoni se përse nuk e kam bërë punën unë si ministër. Po luani me shëndetin e njerëzve. Vaj palmës nuk është cianur. Vaji i palmës përdoret në Europë dhe nuk të bën keq. Po të hash gjalp nga lopët zvicerane, vdes se është yndyrë e rëndë”, u shpreh ministri Çuçi.
Dhe sot dalin zyrtarë të lartë të qeverisë rilindëse, që po na vdesin me ushqimet skandaloze që pas lajmit se pjepri shqiptar ka përqindje të lartë nitratesh, fshihen interesa të errëta tregtare ndërkombëtare…!
A thua se ai bostan i mahnitshëm nga jasht (si fasadat e Rilindjes) dhe helm nga brenda, paska zaptuar tregjet botërore, duke u prekur interesat kompanive të mëdha të prodhimeve bujqësore…!
Jemi një hiç për nga tregtia me jasht, veçanërisht në vendet e BE-së, ndaj sado të kërkojnë interesa të errëta botërore që e kanë “halë në sy” zhvillimin e madh të Shqipërisë, si fanar ndriçues, është mirë që të paktën mos na helmojnë me ushqimet dhe produktet bujqësore që marrim në treg. Kontrolloni çdo produkt ushqimor apo edhe pjeprin, që nesër të mos konsideroheni si “kastraveca” zyrash!