Ish-Ministri i drejtësisë, Ylli Manjani, ka reaguar pas raportit të KLSH-së, i cili theksonte se buxheti i shtetit ka pësuar dëme të mëdha në miliona euro, për shkak të konçensionit që qeveria Rama i dha Vilma Nushit.
Manjani e ka quajtur një dështim të plotë, që nuk ka diagnostifikuar asnjë sëmundje.
Ja postimi i plotë i Manjanit:
Check up…
======
Nuk kam dëgjuar asnjë, që pasi ka bërë check up e shtetit, të thotë se zbuloi ndonjë sëmundje.
Madje edhe sëmundjet që i dinë njerëzit se i kanë, check up ua fshin…. Kjo kategori dalin disi “të lumtur”.
Kam dëgjuar edhe raste të tjera që 1 muaj pas check up janë diagnostifikuar me kancer.
Nuk kam asnjë ngarkesë negative me kompaninë, por me të gjithë strukturën e shetit që lidhi një kontratë të tillë dhe që nuk e mbikqyr se çbëhet!!!
Raporti i KLSH konfirmon se pavarësisht se analizat e Check up-it i ka kryer vetëm 26 % e popullsisë, kompania e Vilma Nushit, kliente dhe sponsore e Edi Ramës është paguar me 22 milionë euro, 7 prej të cilave për analiza të pakryera kurrë. Ky abuzim skandaloz është vënë në dukje dhe nga KLSH, duke theksuar dy linja korruptive që favorizojnë kompaninë sponsorizuese të kryeministrit.
