Sa e ka kapur Fodacioni Shoqëria e Hapur Arsimin në Shqipëri? Kjo ka qenë tema e diskutimit në studion e lajmeve të Fax news mes Taulant Mukës dhe gazetares Armela Ferko. Muka u shpreh se në nivelet më të larta drejtuese të shtetit janë vendosur persona që janë mbështetur me bursë nga fondacioni Soros.
Muka dha emra konkret si Erion Veliaj, Elisa Spiropali, Gent Ibrahimi, apo kreu i ASKAL, që sipas tij janë katapultuar në institucione mjaft të rëndësishme, pavarësisht se ata kanë përfunduar studime në universitete të paakredituara, dhe mjaft të kushtueshme.
“Soros ka dhënë bursa për politikanët në vendin tonë, konkretisht Erion Veliaj, që ka publikuar dy diploma që nuk kanë as elementët më minimalë të sigurisë, përveç tij është dhe zonja Spiropali, që po ashtu është pjesë e qeverisë dhe ka përfunduar studimet në një Universitet të paakredituar dhe mjaft të kushtueshëm në Kanada. Derimë sot Universiteti i Utrecht nuk më ka konfirmuar nëse degët që ka përfunduar Veliaj janë akredituar apo jo, dhe nuk kam marrë ende një përgjigje”, u shpreh Muka.
Më tej ish-zv ministri i Arsimit tha se personat e mbështetur nga Soros marrin prioritet për tu punësuar në nivelet më të larta drejtuese, pavarësisht formimit të tyre, që jo në pak raste lë për të dëshiruar.
“Është e rëndësishme që të themi që ‘’kemi mbaruar jashtë”, po të dimë rankimin e këtyre universiteteve, që janë pothuajse në të njëjtin nivel me universitetet në Shqipëri. I vetmi ndryshim është që këta gjejnë më lehtë punë.
Një tjetër rast që dua të shtoj është ai i ministres së arsimit Besa Shahini, që në momentin që ajo është arsimuar në Gjermani, programet e këtij Universiteti privat janë të paakredituara. Kreu i KLP-së Gent Ibrahimi, që sot është kreu i KLP-së po ashtu është diplomuar në nivelin master në vitin 192-93 në SHBA, programet e të cilit nuk kanë qenë të dekretuara në atë kohë, pasi vetë Univeristeti nuk ishte akredituar.
Drejtori i ri i ASKAL, Gjevori ka mbaruar në Miçigan, një prej universiteteve që është rankuar në vendin e 800 në Amerikë, ndërsa në botë mund të jetë dhe më keq se Universiteti i Tiranës, ndërkohë që tarifa për regjistrim është 22 mijë dollarë”, u shpreh Muka.
Ai ngriti më tej pikëpyetje se pse duhet që shifra kaq të mëdha parash të shpenzohen në Universitete të panjohura, kur fare mirë këta persona mund të studionin në Universitetet më të mira në botë.
“Unë nuk e kuptoj se pse kur kanë pasur në dispozicion mundësi kaq të mëdha financiare, pse nuk kanë shkuar në Universitete të tjera, apo ndoshta nuk kanë qenë të aftë që të jenë pjesë e tyre. Pse katapultohen në pozitat më të larta vetëm këta persona, që kanë përfituar bursa nga Fondacioni Shoqëria e hapur. Ne kemi një sistem bursash që jepen nga ministria e rsimit, po unë nuk di që këta persona që janë arsimuar në 100 Universitetet më të mira, të jenë katapultuar në pozicione drejtuese.
Unë besoj që duhet të hapet një debat për të gjithë fondacionet që operojnë në Shqipëri, jo vetëm për Soros, duhet që të ketë një debat për atë që do të ndodhë më pas, dhe për të krijuar një rrjet kombëtar të intelektualëve dhe të diplomuarve në perëndim, këta persona mund ti shërbejnë shumë mirë Shqipërisë”, u shpreh më tej Muka./FaxNews/
