Sipas Kushtetutës së Shteteve të Bashkuara të Amerikës, Presidenti i vendit, nuk mund të bllokojë njerëz në rrjete sociale.
Në këtë përfundim ka arritur një Gjykatë në Manhattan të SHBA, me një vendim gjyqësor 3-0, ku sipas arsyetimit të gjykatës, Amendamti i Parë e ndalon Trump të përdorë funksionin e “bllokimit” në Twitter, shkruan Dritare.net, sipas Reuters.
Trump ka bllokuar disa persona që nuk kanë pikëpamje të njëjta me ta, por ky veprim tanimë është antikushtetues.
“Amendamenti i Parë nuk lejon një zyrtar publik që shfrytëzon një llogari të medias sociale për të gjitha llojet e qëllimeve zyrtare për të përjashtuar personat nga një dialog i hapur në internet, nëse ata shprehin pikëpamjet me të cilat zyrtari nuk pajtohet,” -shkroi Circuit Judge Barrington Parker, duke cituar disa vendime të Gjykatës Supreme.
As Shtëpia e Bardhë as Departamenti i Drejtësisë i SHBA ende nuk iu përgjigjën kërkesave të mediave amerikane, për të komentuar këtë veprim. Drejtori i medias sociale i Shtëpisë së Bardhë, Dan Scavino është gjithashtu i pandehur, në këtë rast, shkruan Dritare.net.
Trump është një ndër zyrtarët më aktivë në botë në Twitter, ndërsa bllokimi i disa personave ka bërë që Instituti i Amendamentit të Kalorësve në Universitetin Columbia, si dhe shtatë përdorues të Twitter që ai kishte bllokuar, të çojnë Presidentin në Gjykatë.
