Ditë të nxehta përvëluese kanë pushtuar vendin tonë, por duket se ju ka ardhur fundi, përt momentin.
Nesër pritet një mot i vranët dhe me reshje shiu, në të gjithë territorin e vendit, ku priten edhe shtrëngata, sipas Institutit të Gjeoshkencës.
Edhe temperaturat do të pësojnë ulje, ku në bregdet temperatura maksimale do të shënojë 30 °C dhe ajo minimale 22°C, në vendet e ulëta temperatura do të luhatet nga 21 / 30 °C, ndërsa në vendet malore: 17 / 22 °C
“Sot pasdite (e martë dt.09) dhe nesër (e mërkurë dt.10) priten reshje në gjithë vendin. Në qarqet Shkodër, Kukës, Dibër, Lezhë, Durrës, Tiranë, Elbasan reshjet priten të jenë mesatare të shoqëruara me shtrëngata. Në qarqet e tjera reshjet priten të jenë të dobëta (siç tregohet në tabelë, respektivisht për secilin qark). Duhet theksuar që shumica e reshjeve do të jenë nesër.
TEMPERATURAT
Nesër (e mërkurë dt.10) temperaturat minimale dhe maksimale të ajrit pritet të arrijnë:
në bregdet: 22 / 30 °C
në vendet e ulëta: 21 / 30 °C
në vendet malore: 17 / 22 °C”, shkruan IGJEUM.
