Një aksident me pasojë plagosjen e dy personave, ka ndodhur pasditen e sotme në Maliq të Korçës. Mësohet se makina ka dalë nga rruga. Dyshohet për shkak të shpejtësisë së lartë me të cilën po lëvizte.
Të plagosur kanë mbetur drejtuesi i mjetit, i cili ka marrë dëmtime të rënda, si dhe pasagjeri që po udhëtonte me të.
Është dashur ndërhyrja e zjarrfikëses për të bërë të mundur nxjerrjen e personave të plagosur nga makina.
“Në aksin rrugor Korçë-Maliq, pranë fshatit Pocestë, shtetasi F.Gj, duke drejtuar mjetin tip ‘BMW’, dyshohet se ka humbur kontrollin e mjetit dhe ka dalë nga rruga. Për pasojë ky shtetas, ka marrë dëmtime dhe është transportuar për mjekim në Spitalin e Korçës. Grupi hetimor po punon për zbardhjen e rrethanave të ngjarjes”, njoftoi policia.
