Një ngjarje e rëndë ka ndodhur në Korçë mbrëmjen e kësaj të hëne, ku një person ka mbetur i vrarë pasi dyshohet se disa persona i janë futur në banesë për ta grabitur.
Sipas informacioneve paraprake, viktima, i cili mësohet se quhet Gramoz Nako, jetonte në Shtetet e Bashkuara të Amerikës dhe ishte kthyer për pushime. Ai jetonte me bashkëshorten në një apartament në lagjen numër 7 të Korçës.
Dyshohet se ka pasur përleshje mes tij dhe autorit ose autorëve, pasi nuk ka ende informacione të konfirmuara mbi numrin e personave të përfshirë.
“Në lagjen nr 7, në banesë është gjetur nga bashkëshortja, shtetasi G.N 57 vjeç, i pajetë, i vrarë me armë zjarri në rrethana ende të paqarta. Grupi hetimor nën drejtimin e Prokurorisë po punon për sqarimin e rrethanave të ngjarjes”, njoftoi Policia.
