Analisti Ben Andoni beson se Shqipëria do të shkojë në zgjedhje të parakohshme në pranverën e vitit të ardhshëm. I ftuar në studion e lajmeve të RTV Ora, Andoni tha se opozita nuk duhet të braktisë institucionet, ndërsa Rama duhet të lexojë gjendjen e vështirë ekonomike ku ndodhet vendi.
Ben Andoni: Është futur në një ngërç shumë të madh, të themi të asaj sesi ne e shpërdorojmë politikën. Për këtë duhet të binden të parët opozita, që nuk duhet të braktisë institucionet dhe i dyti zoti Rama që duhet të lexojë normalisht jo thjesht menaxhimin e vendit, por edhe gjendjen ekonomike të vendit. Unë besoj se Shqipëria është në zgjedhje të parakohshme besoj në pranverën e vitit të ardhshme.
Sipas Andonit protesta e sotme është një test për opozitën.
Ben Andoni: Protesta është një protestë test e opozitës për të parë që sa do firojë përkrahja e militantëve të tyre pas kësaj situate që nuk është e zakonshme për ta fillimisht.
