Ndërkohë që në orën 19:00 të mbrëmjes së sotme do të mblidhet Kuvendi në seancë të jashtëzakonshme për të ngritur komisionin hetimore që do të procedojë me shkarkimin e Presidentit Ilri Meta, Partia Socialiste ka mbledhur prej orës 10:00 grupin parlamentar te Kryesia e Kuvendit.
Në fokus të diskutimeve në mbledhje është seanca e posaçme e Kuvendit për votimin e ngritjes së komisionit hetimor për shkarkimin e Presidentit Ilir Meta.
Në krye të komisionit hetimor për shkarkimin e kreut të shtetit pritet që të jetë kryetari i Komisionit të Ligjeve, Ulsi Manja.
Komisioni do ketë në përbërje të tij 9 anëtarë, 5 nga PS dhe 4 nga opozita e re. Ndërkohë që pritet për t’u parë si do të veprojë grupi demokrat i drejtuar nga Rudina Hajdari.
Ajo kërkoi pak ditë më parë shtyrjen e ngritjes së komisionit deri në ngritjen e Gjykatës Kushtetuese për të shmangur pështjellimin e krizës politike, që më shumë e shikon si konflikt personal Rama-Meta.
