Gazeta europiane ‘Euro Weakly’ në një shkrim të sajin raporton se shqiptarët zgjedhin të kalojnë nga Spanja me dokumente të falsifikuara drejt Britanisë.
Policia spanjolle kapi 2 shqiptarë në Aeroportin e Almerias, të cilët planifikonin që të fluturonin drejt Britanisë së Madhe. Në pranga u vu një 24-vjeçar, gjatë një kontrolli kufitar në 18 qershor. Ai paraqiti një pasaportë greke, e cila rezultoi se është e rreme.
Një tjetër arrestim ndodhi në Almeria. Sërish Dublini ishte destinacioni i planifikuar. Policia tha se 40 vjeçari me iniciale G.G., kishte dorëzuar një pasaportë sllovene, e cila kishte një sërë problemesh. Edhe në raste të tjera janë sekuestruar nga policia pasaporta shqiptare dhe greke.
Policia bën me dije se synimi i shqiptarëve është që të hyjnë në Britaninë e Madhe në mënyrë të paligjshme. Ata thanë se kishin kontaktuar fillimisht me organizatat kriminale të specializuara në trafikimin e njerëzve dhe prodhimin e kopjeve të dokumentave me cilësi të lartë. Ata pastaj fluturuan nga Greqia në Spanjë për të udhëtuar nga Almeria në Irlandë.
