Argjentina ka fituar medaljen e bronztë këtë sezon në Kupën e Amerikës.
“Albiçelestët” mposhtën me rezultatin 2-1 Kilin duke siguruar vendin e tretë në këtë kompeticion.
Goli i parë në këtë takim erdhi nga Sergio Aguero, i cili shënoi pas vetëm 11 minutave lojë, me asistimin e dhënë nga Leo Messi.
Pak minuta më vonë, në skenë doli Paulo Dybala, i cili për mrekulli arriti të shënonte për 2-0.
Minuta e 38’ ishte ajo që do të mbahet mend nga kjo ndeshje pasi Lionel Messi u ndëshkua me kartonin e kuq për shkak të një gjesti anti-sportiv ndaj kundërshtarit.
Deri në fund të takimit, kombëtarja e Kilit arriti të shënonte me anë të Arturo Vidal i cili e shndërroi në gol penalltinë e fituar.
Deri në fund rezultati qëndroi i pandryshuar me përfaqësuesen e Argjentinës që siguron medaljen e bronztë.
https://www.youtube.com/watch?v=ocMYZiKk-zk
https://www.youtube.com/watch?v=DAdmaYZil68
