Pak ditë më parë qeveria Rama miratoi paketën antishpifje. Ishte një vendim të cilin qeveria e shiti si mjet që do të luftojë fake-neës-et.
Para se të kalonte për miratim, paketa u kundërshtua nga të gjithë, si bota e medias, ashtu edhe opozita.
Paketa, haptazi prek mediat online.
Sipas këtij vendimi ndryshimet në ligj parashikojnë gjoba dhe penalizime të rënda deri në mbylljen e tyre.
Së pari ligji projektligji parashikon legalizimin e portaleve, evidentimin e pronësisë, dhe ç’është më e rëndësishmja burimet e financimit.
Nëse media online nuk bënë sqarimin përkatës, atëherë merren masa duke vendosur gjoba që nisin nga 100 mijë deri në një milion lekë.
Por përveç gjobave media online do të përballet dhe me mbyllje, ku parashikohet një gjë e tillë ku publikohet 5 “fake neës”, bllokohet për një vit.
MASAT QË PARASHIKON PAKETA ANTI-SHPIFJE
–Pezullim/bllokim të aksesit në internet, për një afat 24 orë, nëse brenda një viti kalendarik ka kryer 3 kundërvajtje administrative të parashikuara nga ky ligj.
– Pezullim/bllokim të aksesit në internet për një afat 7 ditor, nëse brenda një viti kalendarik ka kryer jo më pak se katër kundërvajtje administrative.
– Pezullim/bllokim të aksesit në internet për një afat njëvjeçar, nëse brenda një viti kalendarik ka kryer jo më pak se 5 kundërvajtje administrative të parashikuara nga ky ligj.
– Bllokimin përfundimtar/mbylljen e aksesit të shërbimit të publikimit elektronik në territorin e Republikës së Shqipërisë nëse nuk marrin në shqyrtim ankesat e përcjella prej Këshillit të Ankesave, më shumë se katër herë gjatë një viti kalendarik”.
Gjobat:
– Me gjobë nga 100 000 lekë deri në 1,000,000 lekë kur nuk respekton detyrimet e nenit 33/1 të këtij ligji.
– Me gjobë në masën 800, 000 lekë kur nuk respekton vendimin e Këshillit të Ankesave apo të drejtën e përgjigjes, sipas nenit 53/1 të këtij ligji”.Ankesave apo të drejtën e përgjigjes, sipas nenit 53/1 të këtij ligji”.
Qeveria i miratoi këto amendamente ligjore pak ditë pasi përcolli një mision prej 7 organizatash ndërkombëtare të lirisë së medias, të cilat raportuan për një përkeqësim të gjendjes dhe lirive të mediave shqiptare.
Në raportin e tyre ato i quajtën masat e reja për regjistrim të detyruar të medias në internet dhe krijimin e një organi për të gjobitur dhe mbyllur median online e atë të huaj pa një urdhër gjykate, si hapa që bien në kundërshtim me praktikat më të mira ndërkombëtare mbi vetë-rregullimin dhe mund të kenë ndikim të dëmshëm mbi lirinë e shprehjes e të informimit dhe lirinë e shtypit në Shqipëri.
