Sic ishte paralajmëruar edhe më herët, gjatë ditës së hënë opozita e bashkuar do të mblidhet sërish në një protestë kombëtare. Por, ditën e hënë është caktuar gjithashtu edhe seanca plenare e Parlamentit.
Vendimi nga maxhoranca për këtë seancë të jashtëzakonshme ku do të vendoset për shkarkimin e presidentit Ilir Meta u mor tre ditë më parë, duke urdhëruar deputetët që të mos mungojnë për asnjë arsye. Por duket pas vendimit-rrufe të opozitës së bashkuar, që në të njëjtën ditë të zhvillojnë një protestë të madhe, Rama, ka urdhëruar shtyrjen 1 orë më herët në kohë të kësaj seance.
Seanca ishte parashikuar të mblidhej në orën 18:00, por tashmë sipas njoftimit zyrtarë të nxjerrë sot nga Kuvendi, ajo është zhvendosur një orë më herët, në 17.00. Nga axhenda e bërë publike nga opozita për këtë aksion mësohet, se do të zhvillohet protestë të hënën më 8 korrik duke nisur nga ora 20:00. Por referuar precedentëve të mëparshëm, pas grumbullit para kryeministrisë, demonstruesit janë zhvendosur gjithmonë edhe përpara Parlamentit.
