Partizani nuk ndalet këto ditë në merkato…
Sapo janë rikthyer në Tiranë pas fazës përgatitore në Slloveni, kanë zyrtarizuar nënshkrimin me dy sulmuesit: Josef Ekuban dhe Brian Brown. Pas tyre ka ardhur edhe firma me portierin Aldo Teqja, i cili largohet pas tre sezonesh nga Skënderbeu, për të vijuar karrierën tek “Demat e Kuq”. 24-vjeçari do të jetë portier i dytë i Partizanit, duke qenë se pritet të largohet Xhika, ndërsa Alban Hoxha mbetet titullar i palëkundur.
“Klubi i Futbollit Partizani njofton arritjen e marrëveshjes me portierin Aldo Teqja. 24 vjeçari ka nënshkruar sot kontratën një vjeçare me kampionët e Shqipërisë. Teqja vishet i kuq pas tre sezonesh te Skënderbeu”, thuhet në njoftimin e klubit kryeqytetas.
