Ish-deputeti Klevis Balliu tha se analistë po i shërbejnë qeverisë duke justifikuar tkurrjen e votave të PS në votimet e 30 qershorit. Balliu foli për analistë që kanë nga 1 mln euro të padeklaruara dhe të tjerë që s’deklarojnë as fëmijët.
“Harroje ti me ato analistët që nxjerr ti që janë gazetarë, marrin 500 mijë lekë në muaj dhe që kanë 1 mln euro në bankë dhe që rastësisht i kanë të padeklaruara fare. Nga këta që s’deklarojnë as lekët, ka dhe nga këta që s’deklarojnë as fëmijët. Se dalin të gjitha këto. Se vend i vogël është Shqipëria. Tani këto analistët na dalin e na thotë jo po na ishin kaq vota jo pa na ishin aq vota. Jo po votuan këta të dy, jo o votuan këta të tre. Po mor zotëri a kishte ti në fushatën tende ndonjë premtim përveç se iu thoje qytetarëve dilni dhe votoni, po sa qytetarë dolën? Ti s’bëre premtime si qeveri, premtime projektesh. Ti kërkove që qytetarët të dalin e votojnë, sa qytetarë ju përgjigjen kërkesës tënde? 10 përqind. Dhe ai është shumë i thjeshtë për ti evidentuar, 150 mijë ka administrata, nga katër persona për familje ja ku të doli 10 përqindëshi jot”, tha ai nga protesta te “Unaza e Re” në kryeqytet.
